Lånerett

Det er gratis å låne bøker og anna materiale på biblioteket.

Lånekort

• Alle som har fast bustad i Noreg kan få lånekort.
• Er du over 15 år må du vise gyldig legitimasjon.
• Barn må ha byrja i 1. klasse for å få eige lånekort, og barn og unge under 15 år må ha underskrift frå føresett. Ungdom mellom 15 og 18 år må oppgje namn på føresett.
• Institusjonar blir registrert på namnet til institusjonen med tilknytt ansvarsperson.
• Lånarar kan få felles (nasjonalt) lånekort som òg kan nyttast i andre norske bibliotek.
• Tap av lånekortet må du straks melde til biblioteket.
• Ved tapt/mista lånekort kan du få nytt kort mot gebyr.
• Ta alltid med lånekortet når du skal låne og la ikkje andre låne ditt kort.

Personvern

Sunndal folkebibliotek handsamar personopplysingar i samsvar med personopplysingslova og GDPR, EUs personvernforordning.

Personvernerklæring

Lånetid og fornying

Du kan sjå standard lånetider og fornyingar i tabellen nedanfor.

Materiale som er utlånt kan du reservere.

Materiale som Sunndal folkebibliotek ikkje har, kan du som regel tinge frå andre bibliotek i Noreg (fjernlån).

Ansvar

• Som lånar er du ansvarleg for alt materiale som blir lånt på ditt kort.
• Som føresett er du ansvarleg for låna til ditt/dine barn.
• Tapt eller skada materiale må du erstatte. Sjå satsar nedanfor.
• For filmar og dataspel fylgjer biblioteket tilrådd aldersgrense på materialet.
• Lånt materiale er til privat bruk, og bruk/avspeling skjer på eige ansvar.
• Meld frå til biblioteket viss du endrar adresse, telefonnummer og e-postadresse.

Purring og erstatning

• Biblioteket sender deg påminning om innlevering fire dagar før forfallsdato.
• Biblioteket sender deg purremelding når forfallsdatoen på lånt materiale over overskride.
• Vi sender tre purringar og deretter erstatningskrav.
• Tapt eller øydelagt materiale må du erstatte etter innkjøpspris. Erstatningskrav knytt til fjernlån er etter satsane til eigarbiblioteket.
• Leverer du materiale vi har sendt erstatningskrav på, kan du velje mellom å få materialet dersom du allereie har betalt eller gje materialet attende til biblioteket. Erstatningskravet blir ikkje ettergjeve.
• Erstatningskrav blir sendt til inkasso viss du ikkje leverer materialet eller betaler kravet innan frista.

Tap av lånerett

Du mistar retten til å låne viss det er sendt erstatningskrav til deg. Då får du ikkje låne att før materialet er innlevert eller erstatningskrav er betalt.